Un accidente entre dous camións na autoestrada AP-9 ao seu paso por Vigo provocou longas retencións á primeira hora da mañá deste xoves.

En concreto, os feitos ocorreron sobre as 08.30 horas e foron varios os particulares que alertaron ao 112 Galicia de que un accidente entre dous camións estaba a provocar un atasco na vía, debido a que un dos vehículos quedara algo atravesado na estrada.

Por iso, e debido a que non había feridos, deuse aviso á Garda Civil, á Policía Local e aos servizos de mantemento da autoestrada. En concreto, o suceso produciuse no tramo entre a saída cara a Peinador e os túneles da Madroa, na parroquia de Candeán, dirección Rande.