O alcalde de Vigo, Abel Caballero, deu a coñecer o nome do primeiro artista que actuará este verán no auditorio de Castrelos da cidade. Nun audio enviado aos medios de comunicación, o rexedor informou de que Melendi ofrecerá un concerto o sábado 17 de agosto na urbe olívica.

“É unha das actuacións máis solicitadas polos vigueses que vai encher Castrelos de pop, rock e rumba”, reivindicou Caballero, indicando que Melendi celebrará 20 anos de carreira en Vigo.

Segundo el, no seu concerto o músico asturiano cantará as súas últimas cancións, ademais dos seus grandes éxitos do pasado.