O alcalde de Vigo, Abel Caballero, anunciou este martes que o Concello ampliará por Semana Santa os horarios da hostalaría, permitindo ás discotecas abrir ata as 08.00 horas da mañá.

Nun audio remitido aos medios de comunicación, o rexedor indicou que, como é habitual, o goberno local permitirá aumentar dúas horas os horarios dos locais de lecer en xeral desde o 27 de marzo ao día 30.

Así, as discotecas poderán permanecer abertas desde as 06.00 horas (horario habitual de peche) ata as 08.00 horas, mentres que o pub farán o propio desde as 04.00 ás 06.00 horas.