InicioEconomíaStellantis Vigo amplía o seu parón e permanecerá sen actividade o mércores...

Stellantis Vigo amplía o seu parón e permanecerá sen actividade o mércores 27 de marzo

A empresa volveu a xustificar esta situación por "causas de forza maior".

PUBLICADO O

A planta viguesa do grupo automobilístico Stellantis ampliou o parón previsto para a semana que vén e permanecerá sen actividade o vindeiro mércores, 27 de marzo.

Tras informar onte aos seus traballadores de que o seu Sistema 1, onde se ensamblan os Peugeot 2008, estará inactivo o luns, martes e mércores da semana que vén, 25, 26 e 27 de marzo, xusto o tres días antes dos festivos de Semana Santa; agora a compañía avisa de que o mércores tampouco operará o Sistema 2, que monta as furgonetas das distintas marcas do grupo. Desta maneira, a factoría permanecerá sen actividade ese mércores.

A empresa volveu a xustificar esta situación por “causas de forza maior”, debido a “problemas de aprovisionamento”, asegurando, ademais, que a actividade se retomará o luns, 1 de abril, na quenda das 06.00 horas.

Desta maneira, unha vez máis Stellantis Vigo vese obrigada a parar por problemas loxísticos. Esta semana, a compañía tamén detivo parte da súa produción por falta de pezas, do mesmo xeito que ocorreu en reiteradas ocasións durante os últimos anos, cando se viu afectada pola crise dos microchips.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...