InicioEconomíaEmpregados do metal esixen máis medidas de seguridade tras a morte de...

Empregados do metal esixen máis medidas de seguridade tras a morte de varios operarios nos útimos meses

A patronal do sector destaca o labor realizado nos últimos anos no ámbito da seguridade.

PUBLICADO O

Centenares de traballadores do metal saíron este xoves á rúa en Vigo para esixir máis medidas de seguridade tras o falecemento este pasado mércores dun operario no Estaleiro San Enrique, a antiga Vulcano.

Unha vez máis, empregados do metal manifestáronse en solidariedade pola morte deste home, lamentando que este tipo de reivindicacións ultimamente é “máis habitual do que debería ser”. A marcha, convocada polos sindicatos CC.OO., UGT e CIG, comezou cunha concentración ás 09.00 horas na porta de cada estaleiro, saíndo minutos despois das 09.30 horas cara á Delegación da Xunta en Vigo.

Este ano levamos tres falecidos na provincia de Pontevedra, dous na Cañiza e un en Vigo. En novembro outro compañeiro tamén perdeu a vida”, lembraron fontes sindicais. En concreto, o secretario comarcal da CIG-Industria de Vigo, Xulio Fernández, criticou a “precariedade” do sector e a “falta de tomarse en serio as medidas de seguridade”.

Por iso, defendeu a importancia da Mesa do Naval, que xa foi constituída, e onde os sindicatos pedirán un maior control de Inspección de Traballo das medidas de protección. Tamén solicitarán, entre outras reclamacións, o fomento da figura de recursos preventivos, sendo un traballador o que trate de vixiar todo aquilo relacionado coa prevención dentro da empresa.

Ademais, puxo o foco na necesidade dunha maior coordinación en certos sectores, explicando que, por exemplo, no naval son moitas as empresas as que operan como subcontratas e fan os traballos “correndo”, provocando en ocasións tráxicos sucesos como o de onte.

CONDOLENCIAS Á FAMILIA

Precisamente este xoves, a Asociación de Industrias do Metal e Tecnoloxías Asociadas de Galicia (Asime) enviou as súas condolencias ás familias dos traballadores falecidos no sector nas últimas semanas, lamentando as perdas humanas.

Nun comunicado, a patronal destacou o labor realizado nos últimos anos no ámbito da seguridade. “Facemos un chamamento intenso á adopción das medidas de seguridade tanto por parte de empresas, como tamén dos traballadores, xa que este compromiso ten que ser sempre conxunto”, subliñou.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...