InicioSociedadeAbel Caballero asume a decisión das urnas e defende a Besteiro

Abel Caballero asume a decisión das urnas e defende a Besteiro

Confirma que Elena Espinosa e Carlos López Font compatibilizarán o seu labor no Parlamento co seu cargo de concelleiros en Vigo.

PUBLICADO O

O alcalde de Vigo e presidente da agrupación local socialista, Abel Caballero, trasladou este martes que o resultado electoral do pasado domingo foi reflexo do que os cidadáns “quixeron” e “sempre acertan cando votan”, á vez que defendeu que o candidato do PSdeG, José Ramón Gómez Besteiro, debe dar continuidade ao seu proxecto traballando desde a oposición en Galicia.

Así o manifestou en resposta a preguntas dos medios durante unha visita ao ascensor Halo da cidade olívica, e subliñou que os demócratas aceptan “coa naturalidade das decisións democráticas” os resultados nas urnas. “Gustaríame que, cando nós arrasamos nas eleccións municipais aquí, os demais tamén o recoñecesen”, apostilou.

Con respecto ao futuro político de Gómez Besteiro, Abel Caballero recalcou que, “sen dúbida”, debe defender o seu proxecto de continuidade porque “cando un partido presenta un candidato diante dos cidadáns, convén que se manteña o candidato, porque asume un compromiso coa xente”. Nese sentido, afirmou que o candidato do PSdeG “debe desenvolver o seu proxecto e o seu programa, e a democracia dixo que se ía á oposición, e debe traballar desde a oposición”.

LÓPEZ FONT E ESPINOSA

Con respecto aos dous deputados vigueses elixidos pola provincia de Pontevedra, Elena Espinosa (cabeza de lista) e Carlos López Font (número 2 da candidatura), Abel Caballero confirmou que ambos tomarán posesión das súas actas como deputados e que compatibilizarán o seu labor no Parlamento de Galicia cos seus cargos como concelleiros do Concello olívico.

Segundo lembrou Caballero, ambos os (a quen cualificou como “dous pesos pesados da política”) presentáronse “para ser deputados” e asumiron un “compromiso con Galicia”. Paralelamente, seguirán no Concello “traballando moito máis aínda, se iso é posible”.

Finalmente, o rexedor lembrou que o seu proxecto político para Vigo pasa por estender a presenza e a influencia da cidade máis aló dos límites municipais, e sinalou que Vigo ten representación no Congreso dos Deputados, na cámara autonómica, e na Deputación. “Isto mostra a fortaleza dun proxecto que non ten igual en toda Europa”, presumiu o rexedor.

ÚLTIMAS

Vigo, epicentro da fabricación das narcolanchas

As Forzas e Corpos de Seguridade do Estado aumentaron nos últimos días a presión policial...

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...