InicioEconomíaSen acordo no último encontro entre Vitrasa e comité de empresa que...

Sen acordo no último encontro entre Vitrasa e comité de empresa que se encontrarán o vindeiro venres

PUBLICADO O

- Advertisement -

A concesionaria municipal do transporte urbano do Concello de Vigo, Vitrasa, e o comité de empresa finalizaron un novo encontro de mediación sen acordo, polo que se emprazaron a seguir negociando o vindeiro venres, día 9 de febreiro.

Segundo informou o presidente do comité, Imanol Arnoso, unha vez máis a reunión deste martes finalizou sen alcanzar un pacto para suspender a folga.

Tal como explicou, a dirección de Vitrasa rexeitou a proposta dos representantes dos traballadores dunha subida do 3% do IPC para os anos 2021 e 2022, polo que a firma prometeu que fará unha oferta o venres.

Todo iso despois de que este pasado luns levase a cabo un encontro de mediación que finalizou con posturas “moi afastadas”, polo que se retomou este martes, co obxectivo de pór fin a unha folga indefinida que comezou a finais de novembro.

Foi a semana pasada cando Vitrasa aceptou de novo esta figura dun mediador que axude a solucionar a situación. Unha vez máis, como xa ocorreu a finais do ano pasado, é unha inspectora de traballo a encargada de intermediar entre empresa e empregados.

Os traballadores de Vitrasa levan anos protestando pola situación laboral que viven, debido a que o convenio colectivo caducou fai xa tres anos, manténdoselles o soldo conxelado desde esa data, pese ao incremento do prezo da vida tras a pandemia e da propia subida dos billetes de bus.

ÚLTIMAS

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...

As cidades deportivas do Celta son elixidas como subsedes do Mundial 2030, pero Balaídos non será unha das sedes

A Real Federación Española de Fútbol (RFEF) anunciou que o coruñés estadio Abanca Riazor será unha...

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...