Un home de 47 anos, JRMH, foi detido por agredir a outro home, de 62 anos, nunha discusión de tráfico ocorrida o pasado martes en Vigo.

Segundo informa a Policía Local nun comunicado, tras ser detido por un delito de lesións, o individuo recoñeceu a agresión, pero alegou que “o fixo tras recibir insultos racistas por parte do outro condutor”. Ás 13,35 horas do 30 de xaneiro, a Policía Local recibiu unha chamada dun viandante que informaba dunha pelexa na rúa Pizarro, cunha persoa que sangraba pola cara.

Os axentes puideron constatar que o home de 62 anos atopábase ferido, cun corte no seu pómulo dereito, quen explicou que tivera unha discusión de trafico debido a unha praza de estacionamento e que fora agredido por outro condutor. Foi necesario o seu traslado a un centro hospitalario, onde recibiu varios puntos de sutura. Posteriormente, foi detido o outro condutor.