InicioSociedadeO Hospital Ribeira Povisa recibirá a Medalla de Ouro de Vigo 2024,...

O Hospital Ribeira Povisa recibirá a Medalla de Ouro de Vigo 2024, por medio século de “grandísima” atención sanitaria

O BNG critica o nomeamento.

PUBLICADO O

O Hospital Ribeira Povisa de Vigo, que este ano cumpre medio século de vida, recibirá a Medalla de Ouro 2024 da cidade, segundo anunciou o alcalde, Abel Caballero. No acto con motivo do 50 aniversario deste hospital privado, o rexedor olívico xustificou a distinción en recoñecemento aos 50 anos da “grandísima atención sanitaria prestada a miles de vigueses” e á xeración de emprego, ata contar cun persoal de 1.500 profesionais.

Caballero comprometeu a cooperación do Concello co hospital que, ao seu xuízo, xoga “un papel fundamental na saúde e o emprego de Vigo“, e destacou que Povisa axústase ao “modelo Vigo” de aplicar a excelencia en todos os seus ámbitos e proxectos.

Este anuncio foi recibido con críticas por parte do BNG, que lembrou que a Medalla de Ouro de Vigo decídese por parte do Pleno e non debe ser o alcalde quen a outorga “sen diálogo e sen o máis mínimo consenso”. Así, cuestionou os motivos para entregar esta Medalla a Povisa, que “fai negocio coa saúde dos vigueses”, cidadáns que ven obrigados a telo como hospital de referencia por “as políticas de privatización da Xunta”.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...