Axentes da Policía Local de Vigo detiveron a un mozo de 20 anos de idade, L.D.S.N., como presunto autor dun delito de danos, tras fracturar supostamente o escaparate dunha tenda de telefonía móbil.

Segundo informaron fontes policiais, os feitos ocorreron na madrugada deste mércores, cando unha testemuña alertou da presenza dun home que rompera a cristaleira dun establecemento de telefonía móbil na rúa Martínez Garrido.

Unha patrulla de Policía Local escoitou o aviso a través da emisora e, dado que se atopaban preto, dirixíronse á zona. Unha vez no lugar, localizaron ao sospeitoso e, ao darlle o alto, comprobaron que presentaba un corte sanguento nunha man.

Ao preguntarlle como se fixo a lesión o mozo recoñeceu que rompera o cristal dun escaparate, pero matizou que non roubara nada do interior da tenda.

A Policía contactou co responsable do establecemento que, unha vez personado no lugar, confirmou que non botaba en falta nada do interior. Con todo, manifestou a súa intención de presentar denuncia polos danos.