InicioSociedadeComesaña di que o concerto con Povisa "cumpre a legalidade" negando o...

Comesaña di que o concerto con Povisa “cumpre a legalidade” negando o “escurantismo” que apunta o BNG

"Mais a prórroga estaba contemplada, e a información está colgada nos portais onde colgamos toda a información. Por tanto, nada de escurantismo", proclamou o conselleiro de Sanidade.

PUBLICADO O

- Advertisement -

O conselleiro de Sanidade, Julio García Comesaña, negou este venres as acusacións do BNG sobre o “escurantismo” que rodea ao concerto co hospital Povisa, e subliñou que este centro sanitario é “moi importante” tanto para o Sergas como para os propios cidadáns que o elixiron como hospital de referencia.

En declaracións aos medios durante unha visita á asociación DOA, o conselleiro respondeu aos nacionalistas, que nas últimas horas esixían unha auditoría sobre o concerto e acusaban o goberno galego de favorecer unha “riada” de diñeiro público cara a Povisa.

Así, Julio García Comesaña lembrou que o bipartido do que formou parte o BNG e que gobernou catro anos a Xunta asinou un documento que garantía a “continuidade como hospital xeral” de Povisa, e incidiu en que o actual goberno galego cre nese “papel fundamental” que xoga o hospital vigués, como tamén “o cren os cidadáns”, e por iso mantense o concerto.

Respecto diso, destacou que se trata un concerto “que cumpre completamente a legalidade”. “E se alguén pensa diferente, xa sabe o que ten que facer”, retou o titular de Sanidade, que lembrou que ese contrato con Povisa, “totalmente legal”, contempla unhas prórrogas, das que se está executando a segunda, mentres a Xunta traballa “na realización dun novo concerto”.

“Pero a prórroga estaba contemplada, e a información está colgada nos portais onde colgamos toda a información. Por tanto, nada de escurantismo”, proclamou o conselleiro.

Por outra banda, quixo trasladar o seu “recoñecemento” ao labor dos traballadores de Povisa, na atención aos pacientes que, “voluntariamente”, elixiron ese hospital como centro de referencia, e subliñou que o acordo entre ambas as partes desenvólvese nun “contexto de normalidade”.

Segundo afirmou, “ao BNG non lle agrada, porque prefire a disputa política”, mentres o goberno de Galicia traballa pola atención aos cidadáns. Así mesmo, sinalou que a Xunta é “sensible” ás demandas dos traballadores do hospital e que actualiza, “dentro do que permite a lei”, a contía do concerto na prórroga.

Finalmente, insistiu en que son moitos os cidadáns que escollen Povisa como hospital e que a Xunta debe garantir a súa atención, “nas mellores condicións posibles”

ÚLTIMAS

O conselleiro de Sanidade sobre a próxima entrada en vigor do novo contrato de Povisa: “Ninguén vai obrigado”

O conselleiro de Sanidade, Antonio Gómez Caamaño, ratificou este mércores que para abril --o...

PP e BNG esixen a Caballero que “dea a cara” no pleno sobre Guns N’ Roses e interveña para dar explicacións

Os grupos municipais do PP e do BNG de Vigo esixiron ao alcalde, Abel Caballero, que...

O Sergas ten que pagar 60.000 euros á familia dun vigués por unha “deficiente” atención tras un infarto

O Tribunal Superior de Xustiza de Galicia (TSXG) condenou ao Sergas a pagar 60.000...

Ciencia cidadá: convidan á cidadanía para crear o primeiro banco nacional de area de praia

O Centro de Investigación Mariña da Universidade de Vigo (CIM-UVigo) impulsou Iberarenum, un proxecto...