Benteler, empresa de automoción con fábrica en Valladares, en Vigo, expuxo fai unhas dúas semanas ao persoal que “nun futuro vai sobrar xente se non se conseguen máis proxectos”, o que obrigaría a un expediente de regulación de emprego (ERE), segundo informan fontes sindicais consultadas por Europa Press.

Deste xeito, indican que non hai “nada” firme sobre a mesa, senón só “unha advertencia”, posto que a compañía traballa cun proxecto confirmado para Stellantis que suporían tres liñas en Mos, onde na actualidade dispón de catro –o que levaría eliminar unha–.

Hai, segundo estas fontes, outro proxecto “pendente” para Stellantis, e da consecución desta e outras iniciativas dependerá o futuro da planta. O vindeiro mércores, o comité de empresa de Benteler manterá unha reunión ao completo, nun ambiente que as fontes sindicais consultadas sinalan que é “de incerteza”, pero “non a curto prazo”.