InicioVal MiñorGondomarDeteñen tres persoas en Gondomar por entrar nun domicilio para esixir unha...

Deteñen tres persoas en Gondomar por entrar nun domicilio para esixir unha débeda de droga

A investigación iniciouse tras a denuncia presentada por un veciño do barrio da Ponte de Gondomar, na que fai constar que o día 25 do pasado mes de xuño, cando se atopaba durmindo no seu domicilio, sobre as 03.00 horas, escoitou uns ruídos.

PUBLICADO O

- Advertisement -

A Garda Civil de Pontevedra detivo a tres persoas comoautores dos delitos de tráfico de drogas, violación de morada, detención ilegal, ameazas e coaccións, cometidos na localidade de Gondomar.

A investigación iniciouse tras a denuncia presentada por un veciño do barrio da Ponte de Gondomar, na que fai constar que o día 25 do pasado mes de xuño, cando se atopaba durmindo no seu domicilio, sobre as 03.00 horas, escoitou uns ruídos.

Nese momento, entraron tres individuos na súa habitación, dúas delas coa cara cuberta, portando un bate de béisbol e un terceiro coa cara descuberta, ao que coñece de toda a vida, co que ten unha débeda de 300 euros de cocaína.

Despois de agredilo e tras ameazalo de morte, dinlle que van montar unha casa de citas no seu domicilio e que, ademais, venderán droga, e que non se lle ocorra tocar a unha moza ou a droga, ademais de obrigalo a chamar a un amigo que, cando entra no domicilio, é inmobilizado por estes, golpeándoo co bate.

Tamén preguntan polo diñeiro que lle debía da cocaína, sacando un deles unha navalla e púxolla no pescozo ao seu amigo e pregúntanlle polo diñeiro que lle debía e a cocaína. Por último quítanlle os seus móbiles para acceder ao seu contido.

As xestións levadas a cabo pola área de investigación do posto da Garda Civil de Baiona, e unha vez obtidos os indicios suficientes tras semanas de investigación, os axentes detiveron ao tres asaltantes.

Dous deles, de 23 anos e un terceiro, de 40 anos, son veciños de Gondomar, con antecedentes policiais, así mesmo foi recuperada a navalla utilizada o día dos feitos. Os detidos foron postos a disposición da autoridade xudicial, que decretou a súa liberdade con cargos á espera de xuízo.

ÚLTIMAS

Investigan a morte dun vigués tras ser agredido no concerto de Karol G mentres facía unha videochamada coa súa parella

A morte do vigués de 42 anos golpeado tras o concerto de Karol G,...

Máis de 200 persoas gardan un minuto de silencio en Baiona polo veciño falecido no ‘Argos Georgia’

Máis de 200 persoas gardaron na tarde deste mércores un minuto de silencio en...

Malvinas suspende o operativo de busca dos 4 desaparecidos debido ás condicións climáticas

O goberno das Malvinas emite un comunicado sinalando que suspenden temporalmente a busca dos...

Baiona convoca unha “concentración de homenaxe” polo falecemento de Santiago Leyenda no Argos Georgia

Declaracións do alcalde de Baiona, Jesús Almuiña, que convocou unha concentración hoxe ás oito...