InicioSociedadeUn xulgado vigués ordena pechar un piso turístico por causar molestias á...

Un xulgado vigués ordena pechar un piso turístico por causar molestias á veciñanza

O xulgado dálle así a razón á comunidade de propietarios, que pedía o seu peche.

PUBLICADO O

A sección sexta da Audiencia Provincial de Pontevedra desestimou o recurso interposto pola propietaria dunha vivenda de uso turístico en Vigo e deu a razón á comunidade de propietarios, que pedía o seu peche por causar molestias aos veciños.

Con iso, a Audiencia avalou a sentenza ditada no seu día polo xulgado de primeira instancia de Vigo, que ordenaba o cesamento desta actividade por considerala “molesta e prexudicial” polos veciños.

O tribunal considera acreditado que a comunidade de propietarios acordou en febreiro de 2016 a prohibición de aluguer de vivendas para uso turístico, algo que, en todo caso, a denunciada coñeceu en 2019, cando asistiu a unha reunión de veciños na que se informou de que ían interpor unha denuncia contra ela.

Ademais da prohibición incluída nos estatutos, o tribunal fai referencia ás “molestias” xeradas polo piso, con “paso de descoñecidos con entrega de chaves a zonas comúns e horas intempestivas, movementos de persoas e maletas, música a alto volume, cánticos, ruídos e outras perturbacións como un forte cheiro a marihuana que se coaba en ocasións polas caixas das persianas” aos pisos superiores.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...