InicioSucesosPetición de dez anos na cadea para un acusado por posesión de...

Petición de dez anos na cadea para un acusado por posesión de oito armas de fogo no seu domicilio de Soutomaior

Tamén lle encontraron diferentes doses de cocaína cuxo destino "era a venda a terceiras persoas para a obtención do correspondente proveito económico".

PUBLICADO O

A sección quinta da Audiencia Provincial de Pontevedra, con sede en Vigo, xulgará o vindeiro mércores, día 19 de xullo, a un home que posuía ata oito armas de fogo no seu domicilio situado en Soutomaior, así como munición e uns 10 gramos de cocaína envolvidos en distintas bolsas de plástico pechadas.

O caso procede do Xulgado de Instrución número 1 de Redondela e, para o acusado, Fiscalía solicita ata 10 anos de cárcere por un delito de tenencia ilícita de armas prohibidas, un delito de depósito de municións e un delito contra a saúde pública na súa modalidade de sustancias que causan grave dano á saúde.

Tal como recolle o Ministerio público no seu escrito de acusación, foi o 14 de marzo de 2018 cando se procedeu a efectuar entrada e rexistro do domicilio do acusado, despois de que investigacións da Garda Civil constatasen que había indicios de que o home podería ter armas na súa casa.

Alí, foron achadas ata oito pistolas e outras armas, ademais de cartuchos, casquillos e demais munición. Tamén se atoparon diferentes doses de cocaína cuxo destino “era a venda a terceiras persoas para a obtención do correspondente proveito económico”.

Por iso, Fiscalía pide dous anos e medio de prisión por un delito de tenencia ilícita de armas; tres anos por un delito de depósito de municións, e catro anos e medio por un delito contra a saúde pública.

ÚLTIMAS

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...