A folga no sector do comercio de alimentación da provincia de Pontevedra obrigou a pechar a varios supermercados de Vigo, segundo informaron fontes da Confederación Intersindical Galega (CIG) a Europa Press. Convocada en solitario pola CIG, centenares de manifestantes percorreron as rúas da cidade, protestando diante de varios establecementos para solicitar un “convenio digno”.

Con berros de ‘Por un convenio digno, por un salario xusto’ ou ‘Non nos mires, únete‘, os traballadores en folga concentráronse en diferentes puntos da urbe ante a “parálise” da negociación do convenio polas “insuficientes” propostas da patronal.

En concreto, a oferta económica dos empresarios suporía un aumento salarial do 2% en 2023 e do 1% en cada un do tres anos seguintes, o que supón un 5% na totalidade de vixencia do convenio. Estas cifras son unha auténtica burla para o sector, xa que o IPC de ano anterior, 2022, terminou nun 5,7%. Ademais, néganse a reducir a xornada semanal”, denunciaron desde a CIG.