Unha lancha neumática rescatou a un home que se caeu ao mar tras pisar mal nas proximidades do club náutico. Foi trasladado ao porto deportivo, onde recibiu asistencia sanitaria.

Ocorreu minutos despois das 18,30 horas deste mércores, cando o persoal dunha excursión marítima privada solicitaba medios ao 112 por unha persoa que se precipitou á auga no embarcadoiro.

Así, o persoal do 112 puxo a situación en coñecemento de Urxencias Sanitarias-061, do grupo acuático dos Bombeiros de Vigo, da Policía Local, da Garda Civil e de Protección Civil. Tamén se informou a Salvamento Marítimo, a Gardacostas de Galicia e á Autoridade Portuaria.