A Zona Franca de Vigo e o Colexio de Economistas de Pontevedra alcanzaron un acordo de colaboración para promocionar o Vigo Global Summit 2023 entre os colexiados. Así, estes poderán gozar do evento cun 80% de desconto na compra das entradas para un ou ambos os días, segundo informou a Zona Franca nun comunicado, tras o encontro entre o delegado do Estado, David Regades, e a decana do Colexio, Lucy Amigo.
O congreso económico co que se celebra o 75 aniversario do Consorcio levará a cabo entre os días 27 e 28 de xuño e será “un momento de reflexión colectiva xunto a líderes globais en análises, opinión e referentes no mundo da economía, os negocios e a política”. Ademais, contará coa participación dos galardoados co Premio Nobel de Economía Paul Krugman e Abhijit Banerjee, así como con recoñecidos banqueiros, empresarios, directivos ou analistas, entre outros.
