Unha colisión múltiple entre catro vehículos na autovía A-55, ao seu paso polo municipio pontevedrés de Mos, saldouse cunha persoa ferida.

Segundo trasladou o 112, o sinistro produciuse sobre as 12,00 horas. Nese momento, un particular informaba á central de emerxencias dun choque entre catro vehículos, posiblemente por alcance, no carril de adiantamento da A-55, no quilómetro 11, en dirección Vigo.

Con esta información, os operadores do 112 puxeron os feitos en coñecemento do persoal sanitario, da Garda Civil de Tráfico, da Policía Local e dos membros do GES e de Protección Civil do municipio. Xa no lugar, os servizos de emerxencias confirmaron que unha persoa resultara ferida e fora trasladada polos profesionais sanitarios.