Unha muller necesitou asistencia sanitaria, aínda que non chegou a ser trasladada, debido a un incendio orixinado de madrugada na súa vivenda en Vigo.

Segundo informa o 112 Galicia, pasaban 10 minutos da 1,00 da mañá cando un veciño chamou ao número de emerxencias para informar de que vía saír fume polo balcón dun domicilio situado en Avenida Santa Mariña, en Cabral.

Seguidamente, o 112 alertou a Urxencias Sanitarias-061, aos bombeiros da cidade e aos axentes da Policía Nacional e Local. A muller foi atendida nunha ambulancia, pero non tivo que ser evacuada a un centro hospitalario.

Unha vez finalizada a súa intervención, os servizos de extinción comunicaban que arderan todos os mobles dunha das habitacións.