InicioSucesosDesarticulado por terceira vez un grupo que extrae percebe ilegal entre A...

Desarticulado por terceira vez un grupo que extrae percebe ilegal entre A Guarda e Baiona

Os acusados, aos que se lles incautou 460 quilos deste marisco, non teñen bens nin vehículos, que pon a nome de "terceiras persoas"

PUBLICADO O

- Advertisement -

Garda Civil de Baiona-Nigrán investiga a catro persoas como presuntos autores dun delito continuado contra a flora e fauna. Fontes deste corpo de seguridade destacaron a “boa colaboración” da Confraría de Pescadores de Baiona, que permitiu obter información sobre problemas que ten en relación con casos de marisqueo ilegal da súa zona de costa asignada, que abarca desde a Punta de Monteferro-Nigrán, ata o municipio de Oia.

No mes de xuño do ano 2022, a Garda Civil recibiu información que apuntaba a que varias persoas de forma permanente e habitual, dedícanse á extracción ilegal de percebe. Estas persoas, xa foran investigadas no ano 2021, no marco da Operación Rasqueta2, por constituír un grupo criminal dedicado a cometer o mesmo delito.

Por mor diso, púxose en marcha a ‘Operación Rasqueta-3’, que permitiu constatar que, a pesar de existir un procedemento penal contra eles, nunca deixaron de realizar este tipo de actuacións. Así, a Garda Civil manifestou que se trata de “furtivos” que teñen como medio de vida a “extracción ilegal de percebe”, a cal realizan de forma permanente e habitual, xerando “unhas grandes ganancias e todo en diñeiro negro”.

ZONAS ACOUTADAS DE TRABALLO

A Confraría de Baiona acouta as zonas de traballo e pon vedas nestas zonas, comunicando estas decisións á Xunta de Galicia. Desta forma asegúranse a extracción do percebe durante todo o ano e que este cumpra as tallas mínimas.

No caso dos furtivos, que ademais “non respectan medidas, como se pode deducir das denuncias cursadas”, case sempre extraen o percebe destas zonas vedadas, o que fai que cando os mariscadores legais acoden tras a súa apertura, falta o produto. Así mesmo, os mariscadores legais só poden mariscar de luns a venres e poden efectuar capturas segundo a época de entre 3 e 4 Kg, algo que tampouco respectan os furtivos.

TAMÉN AFECTADA A DA GUARDA

A Confraría de Pescadores da Guarda tamén se ve afectada pola acción destas persoas, xa que tamén extraen percebes na súa zona de competencia.

Desta maneira, solicitouse colaboración á Xunta de Galicia, de maneira que todos os procedementos administrativos tanto finalizados como en tramitación, cursados contra os investigados. Como resultado, transcendeu que todos eles acumulan unha gran cantidade de denuncias e á súa vez, ningún efectuou o pago voluntario das sancións impostas, “acumulando miles de euros en débedas”.

Nun estudo de medios de vida e propiedades, dá como resultado que ningún posúe bens ao seu nome nin vehículos, os cales pon a nome de terceiras persoas, co fin de evitar posibles embargos.

Grazas á esta información recompilada nas operacións anteriores e as dilixencias instruídas nesta investigación, atribúese a este catro persoas, a presunta comisión dun delito continuado contra a fauna e flora.

Os investigados son todos residentes en Baiona e en Nigrán. A eles, incautóuselles 30 sacos de rede, 15 rasquetas, 460 quilos de percebe e efectos relacionados co delito.

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...