O partido político Vox criticou este luns os “problemas perentorios” de Vigo, polo que pediu o voto nas próximas eleccións municipais para o seu candidato, Álvaro Díaz-Mella, ante uns índices de delincuencia e ocupación que “van in crescendo”.

Así o sinalou o vicepresidente da Xunta de Castela e León, Juan García-Gallardo, que visitou a cidade olívica para apoiar aos candidatos ás municipais de toda Galicia ante as “grandes expectativas” de Vox de entrar nas institucións da Comunidade.

Gallardo sinalou “problemas” que, ao seu xuízo, ten Vigo, como os índices de delincuencia e ocupación ou o IBI “máis alto” de toda Galicia. Tamén marcou como obxectivo reducir as zonas de baixas emisións expostas polo Concello, ademais dos “gastos superfluos”. Tras García-Gallardo, o candidato vigués pediu o voto en apoio a políticas sociais que melloren a calidade de vida dos cidadáns.