InicioSucesosCondenado a 14 anos de cárcere o home que asasinou o seu...

Condenado a 14 anos de cárcere o home que asasinou o seu provedor de droga en Chapela

O xulgado tivo en conta o atenuante de confesión do asasino.

PUBLICADO O

A sección quinta da Audiencia Provincial de Pontevedra, con sede en Vigo, condenou a 14 anos de cárcere a un home acusado de asasinar o seu provedor de cocaína no barrio redondelano de Chapela. Os feitos ocorreron o 27 de xaneiro de 2021 e para el, Fiscalía solicitaba unha pena de 14 anos e 11 meses de prisión, aínda que finalmente o tribunal estableceu 14 anos.

O xurado, tal como se recolle na sentenza, considerou probado que o acusado causoulle a morte por asfixia á vítima despois de que este se negara a fiarlle a compra de cocaína. “Coñecía o risco de que podía causarlle a morte ao bloquearlle a respiración, aínda que este resultado non fose o desexado, e aínda así decidiu facelo”, subliña a sentenza, na que destaca que a agresión tivo lugar “por detrás, cando o afectado estaba sentado, ceando e coa boca chea, e alleo ao que ía suceder, de maneira que non tivo ocasión de defenderse”.

ATENUANTES

O agora condenado, unha vez detido e durante o curso da investigación, recoñeceu parcialmente os feitos e axudou a recuperar o terminal e as chaves do falecido, polo que se tivo en conta a atenuante de confesión. Ademais, tamén se aplicou a atenuante de drogadicción xa que, no momento dos feitos, o acusado estaba diagnosticado dun trastorno de personalidade con déficit de control de impulsos e dun trastorno por uso de sustancias (principalmente alcol e cocaína). A sentenza non é firme e contra a mesma cabe presentar recurso ante do Tribunal Superior de Xustiza de Galicia (TSXG).

ÚLTIMAS

Os equipos de emerxencias auxilian aos dous ocupantes dun turismo tras saírse da vía na AP-9, a altura da parroquia viguesa de Cabral

Os dous ocupantes dun turismo foron auxiliados polos equipos de emerxencia tras saírse da...

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...