O xulgado de instrución de garda de Vigo decretou a posta en liberdade, en calidade de investigados, dos homes detidos na madrugada do pasado martes tras atacar a un mozo cunha botella e unha navalla na Praza da Estrela da cidade olívica.
Os feitos ocorreron na madrugada do luns ao martes, cando o 091 acudiu á Praza da Estrela alertada por unha pelexa e pola presenza dun mozo ferido. O mozo, de 20 anos de idade, presentaba unha brecha na cabeza por un ‘botellazo’, un corte nun brazo e mazaduras polo corpo.
Segundo o seu relato, esa noite increpara a varias persoas que estaban a molestar a un menor na Praza da Estrela. A vítima abandonou o lugar pero volveu un tempo despois e, nun momento en que se apartou do seu grupo de amigos, os mozos aos que interpelara abalanzáronse sobre el e agredírono.
A vítima foi trasladada ao Hospital Álvaro Cunqueiro e, tras ser atendido das súas lesións, recibiu o alta. Mentres, a Policía Nacional detivo a dúas dos presuntos autores da agresión, que pasaron a disposición xudicial nas últimas horas, e quedaron libres, en calidade de investigados.
