InicioSociedadeA Universidade de Vigo ofertará o curso próximo máis de 5.600 prazas...

A Universidade de Vigo ofertará o curso próximo máis de 5.600 prazas de grao

Aumentarán as súas prazas os graos de Relacións Laborais e Recursos Humanos, Comunicación Audiovisual, e Enfermaría en Povisa

PUBLICADO O

O Consello de Goberno da Universidade de Vigo aprobou este xoves por asentimiento, e a falta da resolución da Secrearía Xeral de Universidades da Xunta, un límite de prazas de novo ingreso para o curso 2023-24 de 3.848 para titulacións de grao (57 máis que este curso) e un límite de 1.176 prazas para titulacións de máster (26 máis).

As principais novidades nos límites de prazas de titulacións de grao corresponden á implantación dos graos en Deseño (45 prazas) e o dual en Enxeñaría da Automoción (20 prazas), así como aos programas de simultaneidade (PCEO) en Enxeñaría Agraria e Ciencias Ambientais, e en Enxeñaría Agraria e Tecnoloxía dos Alimentos. Cada un dos PCEO terá 9 prazas, que se restan aos graos de Enxeñaría Agraria (8), Ciencia e Tecnoloxía dos Alimentos (5) e Ciencias Ambientais (5).

O próximo curso tamén aumentarán as súas prazas os graos de Relacións Laborais e Recursos Humanos, Comunicación Audiovisual, e Enfermaría en Povisa (se así o acorda o Consello de Coordinación de Docencia Clínica en Galicia).

Por outra banda, algunhas titulacións verán reducidas as súas prazas, como o grao en Enxeñaría dos Recursos Mineiros e Enerxéticos, e o grao en Enxeñaría Biomédica; mentres que o grao en Dereito manterá os seus 70 prazos (aínda que solicitara 10 máis)

MÁSTERES

Con respecto aos máster, o Consello aprobou a oferta de prazos para catro novos títulos que están pendentes de verificación: máster en Enxeñaría Aeronáutica (30 prazas), máster en Xestión Sustentable da auga (10 prazas), máster en Fabricación Aditiva (10 prazas) e máster en Ciencia e Tecnoloxías da Información Cuántica (8 prazas).

O órgano de goberno da Universidade de Vigo tamén deu luz verde, entre outras cuestións, ao regulamento de réxime interno do Instituto de Física e Ciencias Aeroespaciais, que iniciou a súa actividade a principios de marzo; e aprobouse a suspensión de actividade do Instituto de Electrónica Aplicada.

ÚLTIMAS

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...