Tres persoas resultaron intoxicadas por inhalación de fume ao declararse un incendio na vivenda na que se atopaban, situada en Vigo. O suceso tivo lugar ás 16,45 horas deste martes nun inmoble da Avenida de García Barbón, segundo informou o CIAE 112 Galicia, que foi alertado polos veciños.
Unha das persoas feridas tivo que ser trasladada en ambulancia ao punto de atención continuada da cidade, mentres que os dous restantes foron atendidos na zona polo equipo de urxencias desprazado ata o lugar. Os indicios apuntan a un calefactor como orixe do lume declarado no piso, onde reside un matrimonio de avanzada idade, como apunta a central de emerxencias.
