O cantante almeriense David Bisbal actuará o próximo 15 de xullo no auditorio de Castrelos de Vigo. Un concerto que se enmarca dentro das festas da cidade deste verán.
Así o anunciou o alcalde, Abel Caballero, nun audio difundido aos medios de comunicación, onde lembrou que Bisbal xa encheu Castrelos “de forma total e absoluta” en 2019.
O cantante, coñecido tras o seu paso pola primeira edición de Operación Triunfo (onde quedou en segundo lugar), presentará en Vigo o seu novo espectáculo ‘Siento vivo Tour 2023‘, onde cantará novos temas e tamén os seus grandes éxitos tras 20 anos de carreira.
Caballero puxo en valor a Bisbal como un artista de proxección internacional que interpreta cancións de todo tipo como pop, pop latino, bachata ou baladas.
