Unha muller resultou ferida este xoves na cidade de Vigo tras caer a un patio interior desde un segundo piso mentres limpaba os cristais dunha xanela. Segundo a información do CIAE 112-Galicia, a alerta recibiuse pouco antes das 11,00 horas, cando unha veciña que viu o sucedido chamou para pedir axuda.
O accidente tivo lugar na Rúa Pateira, na parroquia de Lavadores. Ata alí mobilizáronse efectivos de Policía Nacional e Local, así como persoal sanitario do 061.
RESCATE EN FERROL
Por outra banda, o 112 Galicia informou do rescate efectuado tamén este venres a unha muller que se caeu dentro do seu domicilio en Ferrol e non podía moverse.
