InicioCulturaVinte anos de "agroglamour" co Festival de Cans que se inauguran coa...

Vinte anos de “agroglamour” co Festival de Cans que se inauguran coa estrea de ‘Honeymoon’

O filme é un traballo do director Enrique Otero, e con actores como Javier Gutiérrez, Natalie Poza e María Vázquez.

PUBLICADO O

O festival de Cans celebra este 2023 a súa vixésima edición, unha data especial para a que a organización prepara sorpresas e “reencontros con vellos amigos” que se irán desvelando “aos poucos”. Entre elas xa confirmaron a estrea en Galicia de ‘Honeymoon‘, do director Enrique Otero, e con actores como Javier Gutiérrez, Natalie Poza e María Vázquez.

Este xoves a organización presentou oficialmente a XX edición en Santiago de Compostela coa participación do director do festival, Alfonso Pato; Pablo Rodríguez, de Reizentolo; Enrique Otero; a actriz María Vázquez, e a Señora Alicia, que con 95 anos é a veciña máis lonxeva da aldea do Porriño que colabora co festival.

Ademais de anticipar a estrea de ‘Honeymoon’, que se proxectará o 18 de maio, e o coloquio que se celebrará durante a mañá do venres seguinte co director e Javier Gutiérrez, entre outros, Pato destacou tamén que este ano o festival amplía a súa programación, pasando de catro a cinco días (do 16 ao 20 de maio).

Retomarase tamén a parte “máis educativa”, que quedou suspendida en edicións anteriores polas restricións ante a Covid-19, con visitas de escolares, “que sempre lle dan outra vida á aldea”, entregarase un premio de honra e celebrarase unha xornada especial polo Día das Letras Galegas, “cunha programación moi intensa que se irá anunciando”.

O obxectivo, resumiu o director do festival, nesta edición tan sinalada é “reunir a vellos amigos” do certame, “xente á que lle perdemos a pista e que están con proxectos moi interesantes”. Un deses vellos amigos, como el mesmo definiuse, é Enrique Otero, que xa participado en Cans como DJ, como cortometrajista, como xurado. “Considérome moi fillo de Cans, así que é moi especial”, comentou.

Para María Vázquez, recentemente galardoada coa Biznaga de Prata no Festival de Málaga polo seu papel en Matria, tamén é “moi especial” participar no festival e “unha honra” actuar en Honeymoon. “Represéntame moito este festival, o agroglamour. Eu que sempre fuxo dese glamour que define á miña profesión”, sinalou a actriz galega.

IMAXE GRÁFICA

Segundo explicou Pablo Rodríguez, precisamente o concepto de ‘agroglamour’ tan “representativo e icónico” do festival é o que buscan reivindicar coa imaxe gráfica da XX edición, con “brochazos” –“tal e como se faría e as aldeas”– como elemento principal xunto aos xa míticos ‘chimpíns e galpóns’. Ademais, avanzou que a marca tamén prepara sorpresas para o festival, ao cumprir tamén 20 anos.

Nesa mesma liña expresouse tamén o director do festival. “Ese andar por casa, esas imperfeccións son as que reivindicamos. Fuximos desa palabra que é a excelencia e a perfección”, apuntou.

A primeira quenda de camisetas e entradas estará á venda desde leste mesmo xoves na tenda en liña do festival. Será un pack de entrada, camiseta, chapa de edición limitada e catálogo do festival cun prezo de 20 euros para os primeiros 300 compradores. Estes packs poderán recollerse nas tendas de ReiZentolo ou no propio festival.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...