A plataforma ZooXXI, impulsada pola Fundación Franz Weber, avanzou este mércores unha solicitude de información ao Concello de Vigo co obxectivo de coñecer que plan ou documento está a empregarse para a reconversión VigoZoo como centro de lecer, así como o persoal experto que avala ese programa.

Neste sentido, solicitan a “máxima transparencia” tras as informacións que apuntan ao posible envelenamento no interior do recinto dalgúns animais, que apareceron sen vida Así, pediron que se investiguen os feitos para depurar calquera responsabilidade de carácter administrativo, político ou mesmo penal, se fose o caso.

ZooXXI considera grave o feito de que desde o goberno local non se informe “de forma transparente” sobre as baixas no parque e instou a explicar as causas. “Estes incidentes evidencian como os zoos, supostos garantes da conservación, non teñen instalacións adecuadas para protexer aos animais de eventos meteorolóxicos extremos, que cada vez serán máis frecuentes”, reivindicou.