O Banco de Alimentos de Vigo chora este mércores polo falecemento do seu expresidente Pedro Pereira, vinculado á Fundación desde facía máis de 16 anos. A organización destacou o “compromiso” de Pereira, xa que o seu “liderado e exemplo de entrega” serviron de “referencia” para os actuais voluntarios.

Pedro Pereira asumiu o cargo de presidente do Banco de Alimentos en setembro de 2012, substituíndo ao tamén falecido José Antonio Vieira. El pasou polas tres sedes que tivo a entidade, desde cálea Piñeiro, ata a nave de San Pedro de Sárdoma e a actual en Lavadores.

Foi en xuño de 2021 cando Iván Martínez o relevou no posto. Precisamente o actual presidente só tivo palabras de agarimo e afecto cara a Pereira, subliñado a súa valía.

“El foi quen me ensinou todo sobre os Bancos de Alimentos. Foi un auténtico privilexio poder traballar de xeito conxunto con el”, reivindicou Martínez.