Estaleiros Armón e o xornalista e cronista oficial da cidade, Ceferino de Blas (no seu caso, a título póstumo) recibirán este ano a Medalla de Ouro Cidade de Vigo, que se entregará no acto que se celebra con motivo da festividade da Reconquista, o próximo 23 de marzo.

Así o confirmou en rolda de prensa o alcalde da cidade, Abel Caballero, quen sinalou que este ano se recoñecerá o traballo da empresa de construción naval (que hai uns meses fíxose coas instalacións dos antiga Hijos de J. Barreras), especializada “en buques de altísima tecnoloxía e alto valor engadido”.

Por outra banda, este ano e de forma excepcional, entregarase outra Medalla de Ouro, neste caso ao xornalista, director durante anos de Faro de Vigo e cronista oficial da cidade, Ceferino de Blas, falecido o pasado 19 de febreiro.