InicioEconomíaO TSXG autoriza a construción de dous silos de cemento no porto,...

O TSXG autoriza a construción de dous silos de cemento no porto, denegada polo Concello

A empresa acudiu aos tribunais trala negativa do Concello

PUBLICADO O

A sección segunda da sala do Contencioso Administrativo do Tribunal Superior de Xustiza de Galicia (TSXG) estimou o recurso interposto por unha empresa cementeira e confirmou unha sentenza de primeira instancia que autorizaba a construción de dous silos para 3.000 toneladas de cemento no peirao de Areal, no Porto de Vigo.

O Concello de Vigo denegou a licenza de obra á empresa Tudela Veguin e esta acudiu aos tribunais. O xulgado do contencioso-administrativo número 1 da cidade olívica estimou o recurso contra esa denegación e autorizou a reforma dunha nave preexistente e a instalación de dous silos, nun proxecto cun orzamento de case 2,6 millóns de euros.

Ademais, na sentenza indícase que “a loxística portuaria impón que os buques permanezan nos portos o menor tempo posible, polo que non é difícil concluír que a perda de almacenamento afectaría á viabilidade da actividade”.

O alto tribunal galego entende, por outra banda, que “non parece razoable atender á normativa de aplicación directa de protección da paisaxe” contida na Lei do Chan, xa que “resulta evidente que a instalación dos silos vaise a levar a cabo nunha contorna industrial totalmente antropizado”.

A cementeira “perderá máis do 50 % da capacidade de almacenamento” ao eliminar o sete silos menores (cunha capacidade total de 7.300 toneladas). As estruturas que se proxectan “compensarían en parte esa perda e manteríase a capacidade de almacenamento”.

Na sentenza tamén se subliña que a intención é colocalos “perpendicularmente para que a barreira sobre as vistas do mar sexa menor”; xa que é “imposible lograr horizontalmente esa capacidade de almacenamento porque non hai espazo”. A sentenza non é firme, pois contra ela cabe interpor recurso de apelación.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...

Os sindicatos critican aos bancos por “vetar” as operacións de compra de Maderas Iglesias

Os sindicatos CIG, UGT e Comisións Obreiras (CC.OO.) criticaron este venres que o conxunto...