A Policía Local de Vigo detivo este mércores a un home sobre o que constaba unha orde de procura, detención e ingreso en prisión emitida polo Xulgado do Penal número 3 da Coruña.
En concreto, foi pasadas as 18,20 horas cando unha patrulla que se atopaba realizando labores de vixilancia en materia de seguridade cidadá procedeu á identificación de R.P.V.M., de Uruguai e 50 anos de idade.
Ao realizar a verificación telemática dos seus datos, pescudaron que constaba dita orde de ingreso en prisión, polo que foi detido en cumprimento do mandato xudicial.
