InicioCulturaPrimeiros artistas confirmados para o Festival Terraceo

Primeiros artistas confirmados para o Festival Terraceo

Contará na súa programación con artistas como Depedro, Julieta Venegas, Glenn Hughes ou Boyanka Kostova

PUBLICADO O

- Advertisement -

A terraza do Auditorio Mar de Vigo acollerá, desde maio, unha nova edición do Festival Terraceo, que contará na súa programación con artistas como Depedro, Julieta Venegas, Glenn Hughes ou Boyanka Kostova.

A cuarta edición deste evento comezará o 12 de maio, coa actuación de Depedro, que acaba de publicar o seu traballo ‘Antes de que Anochezca’, o seu primeiro álbum en directo coa colaboración de músicos como Luz Casal, Amparanoia ou Iván Ferreiro.

O 13 de maio será a quenda de Glenn Hughes, exvocalista e baixista de Deep Purple, e a única actuación que terá lugar no interior do Auditorio. O artista interpretará o lendario álbum ‘Burn’, no 50 aniversario da súa publicación, ademais doutros éxitos da banda británica.

O festival continuará o 26 de maio, coa actuación de !!! (Chk Chk Chk), unha das grandes bandas de dance-punk, que chega a Vigo para presentar o seu novo traballo, ‘Let it be Blue’.

Durante o mes de xuño serán protagonistas do Terraceo o mítico Pancho Varona (día 2), a banda de rock Arde Bogotá (día 3) e Curtis Harding (día 30 de xuño), considerado un dos grandes nomes do soul e o R&B.

En xullo, haberá actuacións da La La Love you (1 de xullo), Chris Jagger (7 de xullo), Julieta Venegas (8 de xullo), María José Llergo (21 de xullo), Kitty, Daisy & Lewis (22 de xullo) e os mñusicos tuareg Tinariwen (25 de xullo).

Mentres que, en setembro, subiranse ao escenario os inclasificables do trap Boyanka Kostova (22 de setembro) e o rapeiro galego afincado en Barcelona Hard GZ (23 de setembro).

A programación do IV Festival Terraceo de Vigo pode consultarse na páxina web do Auditorio Mar de Vigo e as entradas xa están á venda a través de www.teuticket.com, cun 20 por cento de desconto para as 200 primeiras de cada concerto.

ÚLTIMAS

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...

As cidades deportivas do Celta son elixidas como subsedes do Mundial 2030, pero Balaídos non será unha das sedes

A Real Federación Española de Fútbol (RFEF) anunciou que o coruñés estadio Abanca Riazor será unha...

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...