InicioSucesosDetida unha parella de Vigo por roubos en vehículos e nunha vivenda...

Detida unha parella de Vigo por roubos en vehículos e nunha vivenda pola zona de Baiona

Estas dúas persoas, veciños de Vigo de 36 e 37 anos con antecedentes

PUBLICADO O

- Advertisement -

A Garda Civil detivo a unha parella, un home e unha muller veciños de Vigo, en relación con catro delitos de roubo con forza en interior de vehículos, por outro nunha vivenda e por un furto ocorridos na contorna de Baiona (Pontevedra).

Segundo informa, o Instituto Armado abriu unha investigación pola comisión de varios roubos nuns coches que estaban estacionados no espazo natural de Montefero, en Nigrán, desde mediados de febreiro.

Os presuntos responsables forzaban e fracturaban a xanela do copiloto e, desde aí, accedían ao interior e sustrían efectos de valor, entre eles diñeiro en efectivo, dispositivos electrónicos e, mesmo, lentes de sol.

Ademais, a uns metros destes feitos, produciuse un roubo con escalo nunha casa que se sumou á investigación. Así, mediante varias pescudas, a Garda Civil relacionou este episodio cos mesmos responsables dos asaltos aos coches.

Estas dúas persoas, veciños de Vigo de 36 e 37 anos con antecedentes, foron detidas ao ser soprendidas ‘in fraganti’ cando tentaban roubar no vehículo oficial camuflado. Foron postas en liberdade en sede policial e as dilixencias foron remitidas ao Xulgado de Instrución número 1 de Vigo.

ÚLTIMAS

Stellantis volverá parar parte da súa produción durante dúas quendas por falta de pezas

A fábrica viguesa do grupo automobilístico Stellantis volverá parar parte da súa produción durante a quenda...

Arrinca o festival TAC! de arquitectura coa presentación dunha gran batea en pleno centro de Vigo

A céntrica Porta do Sol de Vigo acolleu este xoves a presentación do pavillón...

Detido por ofertar contratos de traballo falsos a estranxeiros

A Policía Nacional detivo esta semana a un home, dedicado á repartición de mercadorías...

Stellantis Vigo condenada por vulnerar a “liberdade sindical” da CUT

O Tribunal Supremo inadmitiu o recurso de casación presentado por Stellantis Vigo e declarou...