A delegada da Xunta en Vigo e candidata do PP á alcaldía, Marta Fernández-Tapias, foi intervida cirurxicamente este martes por un problema nas costas, segundo ela mesma fixo público nas súas redes sociais.
“Aguantei o que puiden, pero as miñas costas dixeron basta”, sinalou Fernández-Tapias, que xa pasara anteriormente por quirófano debido a problemas na columna.
A intervención deste martes, que se realizou no Hospital Álvaro Cunqueiro da cidade olívica, resultou “perfecta”, segundo a propia candidata, que agradeceu o labor do equipo de profesionais sanitarios que a atenderon. Así mesmo, avanzou que “nuns días” estará “ao 100 %”.
