InicioSucesosQueda en liberdade un policía local de Vigo tras ser detido por...

Queda en liberdade un policía local de Vigo tras ser detido por saltarse unha orde de afastamento sobre unha muller

Está investigado por un delito de agresión sexual.

PUBLICADO O

Un axente da policía local de Vigo quedou este xoves en liberdade tras ser detido por saltarse unha orde de afastamento sobre unha muller por un caso de agresión sexual.

En concreto, o Xulgado de Instrución número 8 de Vigo, en funcións de garda, decretou a posta en liberdade do home, investigado por un delito de quebrantamento de medida cautelar, ameazas e obstrución á xustiza.

Segundo informaron fontes do Tribunal Superior de Xustiza de Galicia (TSXG), a medida cautelar que quebrantou foi imposta nun procedemento no que está investigado por un delito de agresión sexual.

Por iso, o Xulgado número 8 da cidade olívica comunicará ao xulgado que instrúe a causa por agresión sexual este quebrantamento, por se considerase que debe agravar a medida.

Polos feitos polos que pasou este xoves a disposición xudicial, sinalouse xuízo rápido para o próximo 26 de abril ás 10,30 horas. A Fiscalía pide para el nove meses de cárcere polas ameazas; un ano e medio polo delito de obstrución á xustiza e 18 meses de multa polo quebrantamento. A acusación particular adheriuse a esta solicitude.

ÚLTIMAS

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...