InicioSucesosPenas de entre seis e nove anos para seis acusados por tráfico...

Penas de entre seis e nove anos para seis acusados por tráfico de drogas

Os acusados viaxaron desde Madrid a Galicia con heroína

PUBLICADO O

A sección cuarta da Audiencia Provincial de Pontevedra xulga desde este xoves 23 a seis acusados dun delito de tráfico de drogas na Guarda, para os que Fiscalía pide entre seis e nove anos de cárcere. O caso procede do xulgado de instrución número 2 de Tui.

Dous dos acusados viaxaron coa heroína e a sustancia de corte desde Zubia ata Madrid o 22 de marzo de 2021 co propósito de proceder á súa venda ilícita dirixíronse en senllos vehículos á Guarda, segundo o escrito fiscal. Unha vez chegaron, estacionaron na zona de Arcos o automóbil no que deixaron a heroína e a sustancia de corte e fóronse a un hotel a durmir.

Esa mesma noite, outro dos acusados abriu o maleteiro do vehículo e “con ánimo de obter un inmediato e ilícito beneficio económico levou unha maleta que contiña seis paquetes de heroína e o paquete coa sustancia de corte, ademais de distintas pezas de roupa”. Dirixiuse ao domicilio doutro dos acusados, na Guarda, onde tamén se atopaba outra acusada, “e entre o tres repartíronse a heroína”.

“Cando a mañá do día 24 de marzo de 2021” un dos acusados foi detido por axentes da Garda Civil en virtude dunha requisitoria do Xulgado do Penal número 1 de Pontevedra, a acusada tratou de cambiar de lugar os paquetes de heroína, “sendo sorprendida cando abandonaba o hotel portando dous paquetes de heroína de máis de 1.000 gramos de peso neto cada un deles”.

A heroína intervida procedente do alixo entregado e trasladado á Guarda foi valorada atendendo ao prezo medio que esta sustancia alcanza no mercado ilícito cun valor total duns 319.000 euros. A intervida noutro domicilio, distinta da procedente do anterior alixo, foi valorada nuns 2.500 euros. Mentres, a cocaína intervida noutro domicilio foi valorada en case 900 euros e a marihuana, pola súa banda, en 1.363,26 euros.

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...