Axentes da Policía Local de Vigo detiveron nas últimas horas a un home natural da Coruña, J.A.S., de 43 anos de idade, sobre o que pesaba unha orde xudicial de procura, detención e presentación.

Segundo informaron fontes policiais, os feitos ocorreron na madrugada do mércores, cando unha patrulla que se atopaba na rúa Couto San Honorato observou a un home manipulando a cadea colocada na porta de acceso dun garaxe. Ao decatarse da presenza policial, o home adoptou unha actitude esquiva.

Os policías identificárono e comprobaron que sobre el pesaba unha orde de procura e detención ditada polo xulgado de instrución número 1 de Vigo, polo que se procedeu ao seu arresto e posta a disposición xudicial.