InicioSociedadeO BNG de Vigo pide reforzar o persoal municipal e descentralizar os...

O BNG de Vigo pide reforzar o persoal municipal e descentralizar os servizos ante a “saturación” do Concello

Criticou que o goberno de Abel Caballero "baleire de medios humanos e materiais" as dependencias municipais "á vez que avanza na privatización de servizos públicos".

PUBLICADO O

O Bloque Nacionalista Galego (BNG) de Vigo pediu reforzar o persoal municipal e apostar pola descentralización dos servizos como solución á “saturación” que vive nas últimas semanas o Concello.

Nun comunicado, a organización política criticou que o goberno de Abel Caballero “baleire de medios humanos e materiais” as dependencias municipais “á vez que avanza na privatización de servizos públicos”.

“A saturación actual supón un evidente prexuízo para os veciños, con colas quilométricas no Concello, con servizos a medio pechar como as Unidades de Traballo Social de Teis e Coia e con demoras de máis dun mes para lograr unha cita para trámites que, en moitos casos, ten que ver con situacións de vulnerabilidade social”, denunciou o concelleiro e portavoz do BNG en Vigo, Xabier Pérez Igrexas.

O tamén candidato á Alcaldía afeou que o goberno local insista en transferir a mans de empresas privadas a xestión de máis servizos municipais. “Ata para cuestións tan básicas como a apertura e o peche das instalacións deportivas do propio Concello”, engadiu, lamentado que o actual goberno sexa “o que máis privatizacións impulsou na historia da cidade”.

Entre outras cuestións, Pérez Igrexas lembrou que o Concello ten case 300 prazas de persoal municipal pendentes de adxudicar pola falta de execución das Ofertas Públicas de Emprego desde o ano 2017.

“Demandamos que o Concello, que ten capacidade económica suficiente para reforzar os seus servizos, axilice a incorporación de máis persoal para ofrecer unha mellor atención aos veciños e evitar sobrecarga aos actuais traballadores”, sentenciou.

Precisamente hai unhas semanas o Partido Popular tamén chamou a atención sobre as dificultades que se atoparon veciños doutros concellos para empadroarse en Vigo, con esperas de máis dun mes para a súa cita.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...