A Policía Nacional detivo en Vigo a un sanitario pola suposta comisión dunha agresión sexual a unha paciente nun centro hospitalario da cidade olívica. Segundo fontes da investigación consultadas por Europa Press, o profesional aproveitaría a realización dunha proba médica para excederse cunha paciente.
Estes feitos motivaron á vítima a denunciar, polo que finalmente foi detido. Tras o seu paso a disposición xudicial, foi posto en liberdade cunha orde de afastamento da muller, aínda que continúa investigado.
Así mesmo, outro home tamén pasou a disposición xudicial este fin de semana en Vigo por supostamente abusar dunha adolescente. Do mesmo xeito que o anterior home, foi posto en liberdade con orde de afastamento, segundo confirman as mesmas fontes.
