260 voluntarios do Banco de Alimentos participan no #MayoSolidario de Gadis en Vigo e A Ramallosa, nunha recolleita de comida que levarase a cabo este venres e mais o sábado, 25 e 26 de maio, dentro do horario comercial de cada centro nun total de 13 supermercados do grupo empresarial situados en ambas localidades, tanto Vigo como A Ramallosa (Nigrán).

Por segundo ano consecutivo, 260 voluntarios da ONG colaborarán coa súa presenza nesta acción solidaria regalando catro horas do seu tempo a favor das persoas máis desfavorecidas.

O Banco de Alimentos necesita produtos básicos como aceite, galletas, cacao, leite e todo tipo de conservas, aínda que “calquera donación, como sempre, é benvida”. Á vez que esta Operación Quilo do Banco de Alimentos, desenvólvense en distintos establecementos de Vigo e A Ramallosa, e levaranse a cabo tamén en Pontevedra e Vilagarcía, así como noutras localidades de Galicia e Castilla e León.

Gadis impulsa o #MayoSolidario desde 2013 en numerosos supermercados de Galicia e Castilla e León. A maiores das donaciones que a cidadanía poida realizar durante a campaña, o grupo empresarial comprométese a incrementar a cantidade de alimentos que, finalmente, entregarán aos Bancos de Alimentos adheridos á campaña, entre os que se atopa o de Vigo. Neste sentido, Gadis confía en superar os preto de 163.000 quilos de comida entregados durante a última edición a eses 12 Bancos de Alimentos.

Durante 2017, a Fundación Provincial Banco de Alimentos de Vigo repartiu 1,9 millóns de quilos de comida (1.896.676 quilos). A entidade apolítica e aconfesional dedica os seus esforzos a facer cumprir un dos dereitos humanos máis fundamentais: o acceso a unha alimentación suficiente, segura e saudable.

Na actualidade, entrega axuda a uns 150 colectivos sociais que, á súa vez, distribúena a unhas 25.000 persoas con dificultades na provincia.