InicioSociedadeMultiplicáronse por tres en 2017 as queixas presentadas ao Valedor do Pobo...

Multiplicáronse por tres en 2017 as queixas presentadas ao Valedor do Pobo en relación aos concellos

O Valedor do Pobo recibiu ao longo de 2017 máis de 3.300 queixas relacionadas con concellos galegos, o que supón unha cifra significativamente superior ás 994 do ano anterior.

PUBLICADO O

O Valedor do Pobo recibiu ao longo de 2017 máis de 3.300 queixas relacionadas con concellos galegos, o que supón unha cifra significativamente superior ás 994 que rexistrou no exercicio 2016.

Así o recolle o informe feito público polo organismo, que recolle 14.622 queixas relacionadas con administracións públicas galegas ao longo de 2017.

Entre elas, seguen destacando as que afectan á Xunta de Galicia, que estaba relacionada con 10.924, o 74,71% do total (un ano antes era o 98% das queixas sobre administracións públicas).

Pola súa banda, os concellos pasaron de ser o 1,5% do total das queixas neste ámbito en 2016 ao 23%. As universidades galegas están relacionadas con 288 queixas e as deputacións provinciais con 36. Finalmente, 456 queixas tiñan a súa fonte en administracións doutro tipo.

En relación á administración autonómica, o departamento ao que se refire un maior número de queixas é a Sanidade (4.812), seguida da Consellería de Infraestruturas (2.132), a Consellería de Cultura e Educación (1.756) e a Consellería de Economía (1.410).

En canto ás queixas municipais, 2.257 corresponden a concellos da provincia de Pontevedra, sobre todo a Rodeiro (1.109) e Gondomar (822); e 1.094 aos da Coruña, das que 621 estiveron relacionadas con Sada. En Lugo orixináronse 118 queixas municipais e en Ourense 265.

FALTA DE COLABORACIÓN

Do mesmo xeito, o informe do Valedor recolle que durante o ano 2017 foi necesario realizar chamadas de atención por temas relacionados co deber de colaboración das institucións públicas galegas.

En concreto, as chamadas de atención “máis contundentes” levaron a cabo durante o exercicio en 85 ocasións en relación a departamentos da Administración autonómica e en 85 ocasións a concellos.

Na Xunta, foi necesario realizar 47 chamadas de atención á Consellería de Cultura, 14 á de Economía, 12 a Medio Ambiente, unha a Infraestruturas, oito a Política Social, tres a Sanidade, catro a Medio Rural, unha a Augas de Galicia e unha á Aplu. No ámbito municipal, destacan oito chamadas de atención a Vigo e seis a Sarria e a Ponteareas.

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...