InicioVal MiñorGondomarAcepta unha multa de 1.080 euros por deixar morrer de fame e...

Acepta unha multa de 1.080 euros por deixar morrer de fame e sede a dúas ovellas e unha cabra nunha leira en Gondomar

Os feitos producíronse entre xaneiro e agosto de 2022.

PUBLICADO O

Un home acusado dun delito de malos tratos animais aceptou a pena de 1.080 euros de multa, nunha vista de conformidade celebrada no xulgado do Penal 1 de Vigo, na que recoñeceu deixar morrer de fame e sede a dúas ovellas e unha cabra, ás que tiña nun recinto sen condicións adecuadas de salubridade.

Os feitos producíronse, segundo a Fiscalía, entre xaneiro e agosto de 2022, cando o acusado tiña varios animais na leira dunha vivenda de Gondomar, de cuxo mantemento el se encargaba, en ausencia dos propietarios.

Nese tempo, o acusado “se desentendeu” do coidado dos animais, sen proporcionarlles alimento e auga de forma regular, e encerrándoos durante longo tempo nun habitáculo de 3,60 metros cadrados sen luz nin ventilación.

A dona da leira descubriu os cadáveres de dúas ovellas e unha cabra en avanzado estado de descomposición, e tamén describiu que a zona non reunía condicións mínimas de hixiene e salubridade. Tras a vista de conformidade celebrada este martes, o procesado aceptou a pena de 1.080 euros de multa e un ano e un día de inahbilitación especial para a tenencia ou para o desenvolvemento de actividades profesionais relacionadas con animais.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...