A Garda Civil detivo a un veciño de Nigrán como presunto autor dun incendio forestal que se produciu de forma supostamente intencionada nas proximidades de varias vivendas. O incendio iniciouse a tarde do pasado 28 de agosto nunha zona de abundante matogueiras e fentos, dunha parroquia de Nigrán, a moi escasa distancia de varias vivendas habitadas e unha zona forestal repoboada.

Grazas á intervención dos veciños e o apoio da Policía Local, conseguiuse a rápida extinción evitando que as chamas se propagasen nun día de altas temperaturas e forte vento.

As dilixencias levadas a cabo por efectivos do Posto Principal da Garda Civil de Baiona-Nigrán concluíron coa identificación do presunto autor, que resultou ser un veciño da zona de 84 anos, detido como presunto autor dun incendio forestal, que se conclúe supostamente intencionado debido aos indicios obtidos no trascurso da investigación.

O detido quedou en liberdade en sede policial e as dilixencias instruídas, entregáronse no Xulgado de Instrución de garda de Vigo.