A dirección de ALCOA decidiu inexplicablemente convocar para este luns 28 de setembro aos representantes dos traballadores a unha reunión en Nigrán (a máis de 300 quilómetros de distancia de Cervo) para abordar a posible reactivación do ERE que afectaría a máis de 500 traballadores.
A reunión celebrouse no exclusivo Pazo de Cea, no barrio das Angustias en Nigrán. A entrada ao pazo estivo blindada por fortes medidas de seguridade coa presencia dun operativo da Garda Civil que os presentes tildaron de “esaxerado” ao berro de “Somos obreros, no delincuentes”
A moitos veciños de Nigrán o ir e vir dos furgóns policiais no barrio das Angustias mesmo lembroulles aos conflitos urbanísticos vividos no municipio na última década onde a presenza policia a este nivel estaba á orde do día para calquera mobilización cidadá.
Pero a imaxe do día máis comentada na xornada de hoxe na Mariña, en paralelo á noticia da resolución de Alcoa de rachar calquer tipo de acordo para facilitar a súa venda foi a de atopar uns valos municipais do concello de Nigrán pechando o paso ao vial público que vai a San Román (Priegue) e que pasa por diante do Pazo de Cea.
Unha imaxe que foi contestada en redes animando a non visitar Nigrán como destino turístico.
Vale pois concello tachado da lista..Turismo en Nigran nulo.. somos traballadores Galegos que defendemos a nosa fabrica. Non deberian poñernos trabas..A MARIÑA SIGUE EN LOITA
Como pode un concello axudar a esta multinacional pa k non lle digan catro cousas Non creo k vaia de turismo a Nigran
Grazas Nigrán
Alcoa non se pecha As cubas non se paran ..que se entere bien el concello de Nigrán ..fue un gesto muy feo por su parte ..pero que no se preocupen que en cualquier momento les pasa a ellos
Ante a noticia e pasadas as sete da tarde o alcalde de Nigrán, o socialista Juan A. González facía acto de presenza no lugar para ordear retirar os polémicos valos en apoio aos traballadores presentes. E mesmo repartir bebida aos presente.
E as queixas convertíronse en aplausos
Nunca é tarde…o alcalde de Nigrán en apoio as xentes da mariña aparta as “vallas” da discordia.Naide apoia a esta tropa!!!!Un aplauso para o concello de Nigrán.
Rectificou e trouxonos bebida, rectificar e de sabios
De sabios e rectificar un aplauso po alcalde de nigran
Goberno e Xunta avisan a Alcoa de alternativas “menos amigables” para que non pare a planta
O secretario xeral de Industria, Raül Blanco, asegurou na Radio Galega que a proposta do Goberno central de compra temporal da planta de aluminio a través da SEPI (Sociedade Estatal de Participacións Industriais) “segue vixente” e instou a Alcoa a ser “responsable” e non abocar á Mariña Lucense “a un conflito laboral”.
O dirixente do Goberno central avisou a Alcoa de que se non acepta unha venda “entra unha parte da Administración dunha forma que non é a amistosa. Hoxe comeza o ámbito laboral, pero hai outras ferramentas que podemos utilizar e que están nas mans dos Gobernos. Veremos como evoluciona o conflito e se a multinacional condena á Mariña sen necesidade a un futuro peor. Hai un proxecto a vinte anos, non a dous nin a tres, e (a propietaria) négase porque ten o seu plan. Pois tomaremos as nosas decisións e veremos que sucede nos próximos días”, finalizou.
Toda a información no Xornal da Mariña
