Un home residente na localidade pontevedresa do Porriño acudiu este mércores a declarar aos xulgados do devandito municipio despois de lanzar unha machada ás costas do seu veciño, que resultou ferido leve.

Segundo fontes consultadas por Europa Press, os feitos ocorreron na tarde do pasado martes, día 20 de decembro. A disputa comezaría cando o agresor iniciou unha discusión co fillo do seu veciño.

Ao ver a situación, o pai acudiu a defender ao seu fillo, momento no cal o seu veciño colleu unha machada e lanzoulla ás costas. A pesar de todo, o home resultou ferido leve debido a que portaba unha mochila, que amorteceu o golpe.

Nese instante, fuxiu do lugar e non foi ata o día seguinte, este mércores 21, cando foi localizado e acudiu a declarar. O ferido, pola súa banda, trasladouse a un centro médico para que os profesionais valorasen a súa situación. Ademais, denunciou o incidente ante a Garda Civil.