O 112 Galicia informou de que na mañá deste venres rexistráronse dous atropelos na cidade de Vigo. O primeiro deles produciuse ás 10,18 horas na Rúa Zamora, á altura do número 37. Segundo informou o 112, foi un particular quen deu o aviso de que unha persoa se atopaba ferida. Por iso, desprazáronse ata o lugar os servizos sanitarios así como axentes da Policía Local de Vigo.
Ademais, apenas seis minutos despois, ás 10,24 horas, o 112 recibiu a chamada dun particular que informaba que, na subida da Madroa, á altura do número 22, golpeara co seu vehículo a unha persoa no pé. Por iso, mobilizáronse ata a zona os servizos sanitarios e efectivos da Policía Local de Vigo.
