InicioSucesosEn liberdade con cargos o home que tentou atracar un banco en...

En liberdade con cargos o home que tentou atracar un banco en Vilaboa

PUBLICADO O

O home que o venres tentou atracar unha sucursal bancaria en Vilaboa quedou en liberdade con cargos tras pasar na mañá deste sábado a disposición do Xulgado de Instrución número 2 de Cangas.

Así o informan a Europa Press fontes da Garda Civil, que indican que este home de 50 anos, con domicilio na cidade de Pontevedra, xa contaba con antecedentes policiais.

O asalto ocorreu pasadas as 8.00 da mañá do venres nunhas oficinas do banco Santander na rúa do Toural, en Vilaboa. Nese momento, varias persoas se puxeron en contacto co 112 Galicia para dar a voz de alarma, porque recibiran unha mensaxe nos seus teléfonos móbiles do que estaba a ocorrer dentro do establecemento.

Seguidamente, a central de emerxencias deu o aviso á Garda Civil e á Policía Local de Vilaboa, que ten o cuartel a escasos metros da sucursal e que enviou ata o lugar unha patrulla para comprobar o que estaba a ocorrer. Con todo, o home xa fuxira, aínda que sen poder facerse con ningún botín.

Sobre unha hora máis tarde, axentes da Benemérita conseguiron localizalo e detelo na zona de Arcade, pertencente ao concello veciño de Soutomaior.

ÚLTIMAS

A CIG chama ás mulleres da área de Vigo a “tomar as rúas” ao berro de ‘Stop precariedade. Traballo digno e igualdade’

A CIG presentou este luns en Vigo as mobilizacións convocadas en diferentes localidades da comarca con...

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...